قل دعاء التواليت قبل الدخول

Wednesday, April 04, 2007

زرااااا فــــه
.
.
.
الصيف داخل ..وبما اني أول وحده بصيف في العالم
عشان انا اساسا كنت طول عمري ما كنتش بشتي ابدا
الا بعد السنتين الاخرانيين ..اللي فعلا بقيت بحس فيهم بالبرد
تقريبا (حكم سن الشيخوخه )
..
.
.
ولأني بحس بالحر بشكل فظيع .. فبصيف قبل الضفاضيع ما تخرج من البيات الشتوي
.
..
..طبعا مزيلات العرق اللي بتجيب كانسر
وقصيت شعري
وحساسيه ف الضهر
والنرفزه
..ومش طايقه مخدات النضاره ..
والخواتم بتعرقني
وطبعا اطول حاجه ممكن تتلبس نص كم
.
.
.
مع بدايه الصيف واللبس وكدا
.
بدأت استرجع تاني ..الحقيقه المره
اتلسعت في ايدي اوي في بدايه الشتا ..ما كنتش لسا شتيت
عشان انا آخر وحده بشتي في العالم
.
.
. ..كنت بحمر بيض
بيضه نطت من الزيت عشان هوا كان سخن جدا ..طارت في الهوا
ونزلت تاني في الزيت
..
انا بقيت منقطه .. زي الزرافه ..
ودخل في عيني ...
وعلى وشي
بس الغريب فعلا ..ان اللي جه على وشي معلمش
راح تاني يوم ..
بس
ايدي لغاية دلوقتي .. لسا مضلمه ..

6 comments:

Qabbani said...

هههه
توقعت اني انا اخر واحد بشتي!بالعالم, و فعلا الصيف يرفع ضغطي و يعصبي جدا
جميل , كنت مفكر اني لوحدي كدا بس طلعت في زي ..

مدونة جميلة

وانتي بتألي البيض انتبهي اكتر

HERA said...

ايه ده
وأنا كمان
نفس السيناريو بالتفصيل
بس كنت بعمل بيض أومليت وعاملة فزلوكة وبطيره ف الهوا و الزيت كتير كان
بقت ايدى منقطة
:)) هيه دى الحقيقة المزة
بس عاتى بأة
لا تبتئسى هتروح

Anonymous said...

ايه انا انا مش نفس السيناريو خالص :((

ما عدا انى بقيت بحس بالبرد .. الظاهر السن برده .. يعنى قربت ع الربع قرن لازم اتعب طبعا :(


انا مبشتيش و اذا شتيت مبصيفش .. حد ممكن يخمن السبب :((((((

بيتهيالى مستحيل

السبب هو انى











بكسل اشتى او اصيف :((


سبب وجيه طبعا
يا سلام عليا .. مفيش حاجة بعملها مش وجيهة و ساعت بتبقى فريدة :(

كل صيف و انتى طيبة

و بطلى تقلى بيض اسلقوه :((.. ماله المسلوق

واحـــد مـــــن الـنـــاس said...

يالا
لا بأ س عليكي

اكيد مسيرها هتخف

انتي حطيتي عليها درمازين ولا لأ ؟؟

خجل said...

maqappani:

انا اساسا ما عنتش ححمر بيض
دي كانت غلطه وعدت

هيرا :
تقصدي ..دي هي حقيقه المزه
:(


محمد صبري:
يا رب تبطل كسل
وتعمل مدونه

انا بقيت بحب البيض المسلوق
رغم اني كنت قبل كدا استحاله اكله
الا لو عليه مايونيز ..
اما دلوقتي باكله بشراااااهه


واحد من الناس :

انا حطيت عليها حاجات بس مش فاكره ايه
دلوقتي خلاص مش ينفع احطلها حاجه بقالها فتره
....


انا مش مدايقه اوي ..
يعني الشطرنج حلو برده

حسن ارابيسك said...

شربات قوي مدونتك
كتكوتو كيتاكيتو كتكوته بني
اولا الف حمد على سلامتك من ليلة ممطرة زيت
وكيس انها جت على كده وانا اعتبرك محظوظة أنك أصبحت مثل الزرافة الوديعة وليس كنمر مفترس كنتي وقتها هاتكلي اللي حواليكي

انا برضه واحد من الناس مابشتيش قوي
طول ما أنا في البيت بالشورط والتي شيرت
والتقيل فقط وقت النوم
وساعة الخروج جاكت فوق اي حاجه صيفي لابسها
المهم سعدت بتواجدي هنا وبزيارتك لمدونتي المتواضعة ويارب تتكرر