زينه بالضفاير .. يا كحيله العين
..ورد الخدين طارح مطارح
وعقد لولي ..ع الرقبه داير
ومهدل
جوا التوب مسدل..
وهوه معدل .. على أدك يوزنوا دهب
ويجو لحد اراضيك .. يطلبوا الإيد .. واشوف اللي يرضيك
اعمله وانا .. راضي
***
زينه بالضفاير .. يا كحيله العين
ورد الخدين طارح مطارح
.. على راسي
اشيل الهم على كتافي ..طول ما انا معافي
بس حكم الأسياد ماشي
وانا ماشي.. ما اوصيكي
العهد ..لولي ع الرقبه داير ومهدل
جوا التوب مسدل
وهوه .. عقدك
من العفه معطر .. لو يفك يتبعتر
والعرض .. يتعكر
***
يا شفيقه انا ماشي
عيشي بمعاشي
دقه وحصيره
ما الأيد اقصيره
..وانا ما حتأخر
**
ومشي .. ماشي
الصحرا عدا ..والبحر عدا
ما بين ايده
متولي بيحفر القنال .. والكرباج نازل..
واحد .. اتنين .. عشره . والذل بالسخره
وهوا واصل.. ومواصل
لأجلك يا مصر ..تكلي وتتهني
وتخضر أراضيك ..وتعدي مركبيك ..ومراكب عدوي
ع البيت حايم ماهو مخلي
بالعقد يتغزل ..ويكشف اللي مغزل
..على أدك
ما وزنش دهب..ولا جاش يخبط على الدار
و ع الحلوه دار
**
فتحه الشباك ..يا جدعان
زينه بالضفاير .. كحيله العين
ورد الخدين طارح مطارحه
وعقد لولي .. ع الرقبه داير ومهدل
في ايده مسدل..
..وهوه ديب
قطع العقد ..واتفرط
دمعة متولي فرت ..
لما اتكعبل في لولي وهوا بيحفر.. اخدها وعن سيده خباها
وراح وقالوه ..والوسط ما ناقص
والأكل بالناقص.. لأجل أرتاح شويه..
وبكرا اوعدك تدور هنا الميه ..وان ما دارت
اجتلني.. ماهوش فارج..اللولي م العقد فارت
وربط طرف جلبيته عى وسطه وتنيته هارب
الصحرا عدا ..ومركب عدوه عدا .. في الحليوه شده
والناس هله .. يا ميت مرحب سلامات..
سلمات يا متولي يا جرجاوي ..سلامات
متولي ساب السلام وسأل..
لولي شفيقه وصل عندنا .. جولو شفيقه فين لجل يطمن قلبنا
الخلق ..خرسوه
إلا واحد عدا الكلام من تحت ضرسه
لولي شفيقه ..يامتولي نتعر منه .. زينها ولما ابتدا العار ابتدا منه
شفيقه .. قطرها فات ..وابوك سلا .. مات ..
عداها وفات
..سلامات على روحه سلامات
***
متولي .. خبا بإيده وشه
وع الدار ..دار وشه
والهم محمل ..والشطان ما هو مهمل
اجتلها واتشفى .. اوستر اللي تشفى
رقعة التوب اللي ما تتخفى..
واخد سكينه ..
وخارج..
شراره من عينه هايج
وهوا مطاطي .. ومواطي
وسأل ..لحد ما وصل
يجطع اللي موصل
بشفيقه من غير الضفاير .. شاحبه العين
ورد الخدين مش طارح مطارحه
وعقد ماس .. ع الرقبه داير
ومهدل .. بره التوب مسدل
وهوه ..
وحش
على اخته هجم
سرخت فيه ..لا قالتش توبه ولا ندم
...
يا متولي .. ابوك مات
والناس .. حسها انعدم
وعود الكبريت لو اتآد مات
ولو ما أكلش برضك ينعدم
..
فاتها صبيه ..
وساب العقد والحمل عليها
العقد يزين ها الصبيه
والهم تقيل عليها
...
No comments:
Post a Comment