قل دعاء التواليت قبل الدخول

Sunday, November 12, 2006

جونله حمرا مدوره..
جبتهالي ماما وانا صغننه
مشيت اهاتي..كتير يوماتي..
جونله حمرا مدوره
جبتهالي ماما وانا صغننه
***
اصلي كنت حلوه شويتين
وشعر دهبي وفيونكتين
وع خدودي فلتين
وقمر 14 وحتيتين
واسم الله ع
الجونله الحمرا المدوره
اللي جبتهالي ماما وانا صغننه
***
والصبح لبستها..
وع المدرسه اخدت كتبي ورحتها
وسنيتين وبدا الطبور..وعينك ما تشوف إلا النور
المدرسه كلها بتبصلي..
ركبي سابت..والخوف بيعضني
من وسط الطبور..الأخصائي جه وشدني
وقدام النظره حطني
وياريته ما حطني..
***
الدنيا بقت كروهات..
واشمتوا فيا يا بنات
وصوتي يا عيده ..وهاتي المغات
الجونله بقت سبع حتات
...
وروح يا مشموش
حلق حوش..اخوك وقع مدشوش
...
ومزاج النظره قلب عنب
طبعا ما هو اصلك يا كراس ..ظبط الراس
واللي يدبح الكبش ما يتعبش
***
وتزفيت يوميها ع البيت
..
أصلك يا بهيه.. تستهلي الوقعه ديه
يا ريتك كنتي كرسي..ولا طبليه
ولا نفعتي في خرط الملخيه
***

7 comments:

ياسر شمس الدين said...

انا مش مصدق انك بنت لا حول ولا قوه الا بالله

طيب ليه كل ده

خجل said...

انا نفسي افهم مره ..

هو في ايه..اللي مخليني مش انفع اكون بنت
..

هو في كلام للرجاله وكلام للبنات يا جدعان..يعني حد يفهمني جايز انا خطأ

واما بعد

لا حول ولا قوه الا بالله

Mo Eltaher said...

بوست جميل

Mo Eltaher said...

بوست رائع

رحلة said...

ربى احرسها احميها ياهادى القلوب والنفوس.............ليه الغالى مايحس انه غالى قوىىىىىىىىىىىىىى

Anonymous said...

أفهمك انا يا ستى :)

هع ان الوست ده اصلا مفيهوش حاجة قياسا لبوستات تانية قريتها ليكى قبل كده


هو مقصدش اللفظ بالظبط هو بس مش متخيل بصفة عامة ان فيه حد فى الدنيا كده

البعيد كان متصور اننا فى مجتمع شرقى و الحبتين دول زى ما انا كنت فاكر برده .. قبل ما تحصلى الصدمة الكبرى فى المدونات المصرية على ايد المدونين الولاد و البنات بصفة عامة

و اما بعد

لا حول ولا قوة إلا بالله :)

ها فهمتى حاجة :))))))

husam shady said...

ممتاز ممتاز بجد