قل دعاء التواليت قبل الدخول

Sunday, November 27, 2005

واحد: في ربنا فوق
والأتنين : بتبص عليه
والتلاته : بسنتين...والأربعاعه ..اتنين واتنين
كانوا مشيين حفيين يخص عليهم دولي وحشين
**********
..اسمعوا يا احبائي
صاحب الأشجار يستخدم شامبو (موبينيل)عشان كدا كسب شعر طويل هديه..
ملحوظه : العرض مستمر حتى نفاذ كروت الهلس
_________________________
:السؤال الأخير
قولي يا مفيد يا فوزي ..هل الإسلام هو الحل؟
_________________________
ذهبت اليوم الى الجامعه وانا محشورة الرأس داخل ..والخمسه كحكه بسكر.. هل لأن نتشه رجل محترم..؟
_________________________
اسمع الآن خبر من قبل الست الإخونجيه اللي بره ان الإخوان في المنصوره استأجروا بلطجيه لحمايتهم من البلطجيه اخواتهم المأجورين من قبل الحزب الوطني..
******
وهنا يستحضرني سؤال .. لماذا تركتي جماعه الأخوان يا هند..!؟
________________________
في مره وانا صغيره كنت حتلحس واشتري (باتيناج) على حسابي ..والبابا مش رِضي .....وأخي لما شاور عليه بابا اشتراله واحد على حسابه
******
افرك اذ ُني..واسأل الله عز وجل ان يسدد خطاهم نحو جهنم (كدا عدل).. ويزيد قلبي اسوداداً نحو كل معارفي الذين لم يتصلوا بي اليوم ليقولوا لي ..والسته لويا بوزها ..وكل سنه وانت طيبه يا جميل
_________
ملحوظه: (والسبعه بتبص لفوق ..والتامنيه بتبص لتحت..والتسعه مش عارفه ايه كدا بظعبوط..والعشره واقفه مغلوط) تسفيق حااااااااد

18 comments:

Anonymous said...
This comment has been removed by a blog administrator.
Anonymous said...

انتى شايفة مشكلة الاخوان فى الاسلام ولا مشكلة الاسلام فى الاخوان

ابن مصر said...

تصدقي كنت عايز اقول زي الاخ المجهول بالظبط بس هو سبقني
:))))))))))))))))))))
بهززززززززززر والله العظيم

تصدقي نسيت كنت عايز اقول ايه

lol

shady said...

كل ما ادخل المدونه دى احس ان فيه شفره للكلام هنا بس بصراحه ما بعرفش افكها

ابن مصر said...

اشرب شاي ...قولي له ياخجل

a.nashat said...

حد فاهم حاجة؟؟؟؟

Hany Mihanny said...

والله هو من واقع خبرتي الصغننه اقدر اقول ان السبب في السحابة السودة وخصوصا وأنها بتأثر بشكل ميتافيزيقي علي شبكات الموبايل
لكن بخصوص الباتيناج فالجماعة بيطمنوكي انهم وصلوا لحل يرضي الفردتين في الموضوع ده
لكن بيقولولك ان الصابون اللي بعتيه بيبقع في الايدين فياريت تسأللنا هند هي جابت كام في الثانوية العامة
وجماعة الاخوان هتاخد السنة الجاية من كام

خجل said...

الأخ انويموس:

ورينا عرض اكتافك يا اجبن من الجبه النستون

ابن مصر:
انت انضميت لقوم تبّع امتى..؟
واحد يقول تعليق ..والباقي يأمن وراه

طاهر:
انا شايفه ان ما فيش مشكله في اي حاجه..
هم حرين يرفعوا اي شعار ..هم حرين يقولوا اللي يقولوه ..ولا يبقوا مسلمين ولا مش مسلمين..بس انا بستغرب جامد للعالم المحموقه بتاع القناه الاولى والتانيه..وشكرا

يحي مجاهد:

هي جماعه الأخوان ليها امتحان قدرات ..؟



الى جميع المدونين:


بلاش الطريقه المستفزه بتاع التعليق الواحد ده..

لو حتعلقوا نفس التعليق ..ممكن تكتبوا مذكره بالتعليق اللي عيزينه ..وتوقعوا عليها كلكوا ..و بعدين ابعتوها...

وشكرا

Pianist said...

انا عجبني اول مقطع واخر مقطع
ودخول الاغنية وسط البلوج
الخمسة كحكة بسكر والستة لويا بوزها
حلو شغل الفسيفساء ده

ابن مصر said...

الله الله انت زعلتي يا خجل متزعليش بقي ده حتي الرب العاطل قال من ضربك علي خدك الايمن ...لا ده مش هو اللي قال كده. انا كده عكيت
اروح احسن باي

خجل said...

لا لا بلاش عك في الدستور ..اللي لسا مش حفظه كويس انا مدياه مهله لحد ما الشاي اللي ع يغلي..

Anonymous said...

خناقة يا جدعان ..خناقة
http://afwashere.blogspot.com/2005/12/blog-post.html

Alexandra said...

كل سنة وانت طيبة

Mr-Biboooo said...

اخلى حاجة انك بتعرفى من واحد لعشرة

غيظيهم كلهم بقى و قوليلهم
أاأا و انت لأا

:)

أبوشنب said...

في مره وانا صغيره كنت حتلحس واشتري (باتيناج) على حسابي ..والبابا مش رِضي .....وأخي لما شاور عليه بابا اشتراله واحد على حسابه



لم تكن كل الحقيقه
فاكر كويس يوم ما بابا إشترالي البتيناج
طلبت منه أشترك في رحله كانت طالعه لقصر وأسوان زي كل أصحابي
مرديش
قال إنه بيخاف علي من السفر لوحدي
بكيت
عملت مظاهره
حب يراضيني
جاب لي الباتيناج
قالي ألعب بيه مع أختي

- مكانش يعرف إني مبحبش اللعب بالباتيناج -0

لو أعرف إنك هتزعلي مكنتش طلبت منه أروح الرحلة

نــــــــدي said...

طق طق طق ..اديني بسفق أهوت

فعلا لأن نتشه راجل محترم

محمود عزت said...

جميل!

الناس اللي محموقة على القناة الأولى و التانية مش محموقة من الإخوان!
دول محموقين من سكان كوكب زحل اللي راحوا إنتخبوهم

كل سنة و إنت طيبة

وليد said...

كل سنه وانتى طيبه