قل دعاء التواليت قبل الدخول

Friday, October 07, 2005

فستان فيروز الرصاصي

تربعت فوق اللوحه النائمه على مكتبي .. ومن هنا نزل الوحي..كانت فيروز تدندن في اذني ..كلماتها لفت روحي ..لأجلك يا مدينة الصلاه اصلي..لأجلك يا بهية المساجد .. يا قدس ..ياااا قدس....

اعلم ان جمال الصوت هو من حرك قلمي..وانسياب اللحن ..قام بتسييح جفاء قلمي(السكس بي).. كان لكل ملي فيها .. كيانٌ بداخلي

اذكر جيدا انني كنت ارتدي فستان قصير احمر.. بلا اكمام ..يظهر العناء المسكوب عن نحري..بينما تـَسحّب من اسفلِه (بادي اندر كات)حتى يفسدعلى الفستان بعض مُهمته ..اذكر ان البادي كان لونه رصاصي فاتح..ها انا اجلس على الرسمه حتى استطيع الوصول لبعض اجزائها البعيده ..كل ما كان يقلقني من اين الاضاءه..لم اكن اعلم..لم احدد .. من اين هذا النور ..لكنه تواجد..الساعه قرابه الخامسه صباحاً ..اعتقد ان الوالد سيفتح الباب بعد دقه بخفه بناءً على طلبي طبعاً..سيفاجأ ..ربما استمع الى(كلمتين ما ليهم لزمه ..احسنلك يا قمر تروح تنام) كانت المفاجأه ان الفستان الاحمر لونه كله رصاصي..يدي كلها رصاصي ..قدمي ..ركبتي ..وما فوقها..انكشف الامر ..بابا مش جالي نوم والله ..

وطبعا من طلب العُلا سهر الليالي

الرسمه حصلت على المركز الاول

كانت عنوانها "ويستمر لحن البكا" ..اذكر فعلا انني بكيت اثناء رسمها لأسباب عديده

وسكبت عليها الشاي ..شاي كان مزاااااااااااج .. ..

26 comments:

sydalany-وش مكرمش said...

حلوة أوي

Nightlegend said...

عاجبانى جدا طريقتك فى التعبير وحلوة(..يظهر العناء المسكوب عن نحري..),اما الرسمة فهى حلوة بس وش الطفل اللى قاعد فى المركب عليه تعبير غريب ,بعيد شوية عن الحزن وخوف مثلا.

معلش انا اسف بس سؤال غلس شوية ,هوده شعرك اللى فى الصورة؟

خجل said...

وجه الولد معبر كتير ...لكن الكاميرا مش طلعته متل ما هو

shady said...

الله

ماشى الطريق said...

بصى الصراحه انا كنت داخل اعمل دعاية للبلوج بتاعنا
بس الصراحة الرسمة بتاعتك حلوة جدا
www.malekwaketaba.blogspot.com

Anonymous said...

تحفة بجد...رسمك هايل

Pianist said...

بصي هيا الصورة حلوة بس انا رأيي انها رومانسية شوية
او كلاسيكية
يعني بصراحة انا لما كل حد يقولي انا باعرف ارسم ويوريني صوره بلاقي ان الصور كلها شبه اللوحة دي
يعني وارجو ماتزعليش من رايي
اني مش شايف فيها جديد
بس هيا يمكن تكون محتاجة تفاصيل اكتر

Anonymous said...

بيقولوا ياخلل صديقك من صدقك .. الصورة سيئة جدا ولايوجد بها مايستحق مجرد الالتفات اليها

ان المنافقين اخوان الشياطين ياخلل

IronMask said...

:) تسجيل عبور

citizenragab said...

خجل
اللوحه جميله
وتؤكد وجود موهبه
وانكي بالفعل لديك الادوات اللازمه لفنانه جميله
ولكن لأسف بمصر الالاف المواهب والفنانين
نحن نريد عبقريه
والفرق كبير
فالفنان العبقري
يملك شخصيه خاصه
ولديه تجربه مكتمله يعبر عنها من وجهه نظره فهو لايعبر عن الجمال لمجرد الجمال ولا الحزن لمجرد الحزن
ولكنه يعبر من خلال تجربته الخاصه
وشخصيته المتفرده
وهذا ما ينقص لوحتك هذه
ولا ادري عن بقيه لوحاتك
وأعتقد ان هذا ايضا ما اراد بيانست توصيله لكي

Hany Mihanny said...

بالعكس الصورة فعلا عجباني جدا, وبغض النظر عن محاولة وصف حالة الرسم بالكلمات اللي ممكن اكلم عنها فعلا الا ان الرسمة انا شايف انها هايلة
اللي استغربتله ان اغلب النقد اللي اتوجه ليها كان نقد انطباعي مش اكثر"دي حلوة/لا دي وحشة"...وده مش نقد خالص يا خجل ممكن يقصر فيك
افتكر ان اهم حاجة ممكن تفرق معايا هو اني اعرف سنها وقت الرسمة وقد ايه هي أتقديمة في ده وبعدين نقدر نحدد ان كانت موهوبة ولا عبقرية!؟

هاني مهني

Anonymous said...

خجل حبيبتي:كوني واثقه انك في الرسم
ميه ميه

بايانست: اغسل وشك الاول وبعدين بص
للرسمه

سيتيزن رجب: انت من اعوان بايانست؟


مجاهد: احنا حنقطع على بعض؟

خجل تاني :انت مبدعه الرسمه فيها فكره لذيذه ومستنيكي تعملي دراسات حره ف فنون جميله ..يا جميله انتي

Unknown said...

الله الله الله

مدونة اكثر من رائعة

وريشة أروع بصراحة

اتمنى لك المزيد من التوفيق انشا الله

ممتازة :)

Ahmed Shokeir said...

هاها ..مش قادر أتخيل إزاى تـَسحّب من أسفلِ الفستان ال (بادي اندر كات)حتى أفسد على الفستان بعض مُهمته

أنا مستغرب إن كله علق على الرسمه .. أنا شايف أن الكلام اللى فى البوست تحفه ومحتاج تركيز

kuwaite said...

ماشاء الله

:)

islam yusuf said...

على راى أحمد شقير كل اتلتعليقات على الصوره وما فيش تعليق على الكلام رغم ذلك الصوره جميله بس لو كانت بالباستيل او الفحم كانت هتبقى أكثر تعبيريه و مش عارف ليه انا ملاحظ او جالى الإحساس ان الدمعه و هى نازله جرحت العين مش حاسس ان دى مش دمعه دى نقطة دم الأغرب هى نظرة الطفل هو بيبصل على ,حدسى قالى انه محتار فى المستقبل و خايف و المركبه اللى هوا راكبها مش هتوصله لشىء بل اظن انها هتصله لمدن التيه
رسمه جميله فشل الأصدقاء الطيبو النيه فى التعليق عليها و جاءت تعليقاتهم مبهمه مثل حلوه و,و حشه , والله يعنى مش و لا بد اتمنى تن تنا اشوفلك اعمال بخامات اخرى مثل الزيت
اتمنى لك التوفيق

Anonymous said...

ابوناالقسيس رامى بيحب مدونة اسمها جزمة حريمى

حد بيفهم فى علم النفس يعرف اية السبب ..


اشمعنى يعنى الجزمة الحريمى ..؟

خجل said...

ان كان فعلا ده حصل فالسبب بالطبع يعود لحلول بركاتنا نحن وبسم جميع طالبات كليه الآداب لكن انتوا نسيتوا تحكوا انها بكعب عالي..

اقول قولي ..واستغفر الله لي وله

نــــــــدي said...

وبعدين بقي يا ست خجل....احنا هنقطع على بعض..مالك انتي ومال اللون الاحمربلاش اللون دا..كدا ازعل
...............
حلو اوي

Anonymous said...

خجل ..اسمك مستفز ..رسمك مستفز

..شخصيه مستفزه ..روح مستفزه

..اعمال ..كتابات ..دلع ..مستفز


فعلا بنت مستفزه

ملحوظه:
مستفزه = زي العسل

Solara said...

تفاحة ٌ مشطورة ٌ للتوِّ
كقلبٍ طازجٍ في الحبِّ

أنتِ يا خجل

أحب أن أخبركِ أن اللوحةَ تعبير فائق عن حالة تلبس . ربما هو تلبس بالحزن أو بالفجيعة . اللوحةُ تنطق بذلك قبل أن تخبرينا أن لكلِّ ملم منها كيان بداخلك

وللعلم ، فإن موهبتكِ تفرض نفسها يا عزيزتي ، لا بأس بقليل من تقبل حب المغايرة لدى بعض الاشخاص الذين يعتبرون أنفسهم أذكى ، إنما رسمكِ هو الذي سيبقى في النهاية

دمتِ رائعة ، وإلى الأمام

Michel Hanna said...
This comment has been removed by a blog administrator.
Michel Hanna said...

رسم جميل ومجهود رائع طبعا، لكن..
مش عارف ليه الجو الأنثوي فيها زايد عن اللزوم.
أم - طفل - بحر - دموع - مدينة - مركب - سماء
طغيان الجانب الأنثوي على الصورة خلاها فاقدة للتوازن.
يمكن يكون كلامي شكله متعجرف أو أهبل لكن ده اللي حسيته.

Admin said...

انا مش دارس لفن الرسم بس رسمك حركني و دا دليل انك نجحتي يا خجل ...برافو

Anonymous said...

انا مش دارس لفن الرسم بس رسمك هيجنى و دا دليل انك نجحتي يا خجل ...برافو

Anonymous said...
This comment has been removed by a blog administrator.